Russia-i Snowden alitsü mapang apuloktsü

Moscow, January 18 (Agencies) : US intelligence osang temia adoka sangdonger Edward Snowden indang Russian residency permit küm ana apuloktsüogo, ta Russia ketdangsertemi ashi.
Taoba National Security Agency contractor-i 2013 küm miim osangtem yimjak nung metetdaktsüba ajanga American intelligence anokshitsü.
US President menden toktsütsü alisang Barack Obama-i army private Chelsea Manning tepuokdak ayutsü mapang ajema kümdaktsüba sülen Russia ketdangsertemi iba osang metetdaktsüogo.
Chelsea Manning-i WikiLeaks nem miim US documents kar agütsüba atema aija küm 25 tepuokdak ayutsü temerenshi agütsü.
“Snowden indang residence permit küm ana atsülangtsüogo” ta Russian Foreign Ministry otongdar, Maria Zakharova-i la indang Facebook page nung iba osang metetdaktsü.