Russia indang rong ka DPRK-i pua ayu

Moscow, May 15 (Agencies) : Democratic People’s Republic of Korea (DPRK)-i Russia nunger meyong rong (Yatch) ka pua ayu.
DPRK-i iba rong pua ayuba ya mangatettep tila ka aliba ajanga pua ayu ta ashir, ta Deobarnü Russia diplomat kati ashi.
“Yangi mangatettep tila ka lir ta DPRK-i ashi,” ta North Hangyong Province, DPRK yimtiba Chongjin nung Russia consulate general Yuri Bochkarev-i metetdaktsü.
Hokolbarnü Russia meyong ‘Elfin yacht’ ka nung nisung pongu mener lia DPRK tzüküm anükertemi sota ayu.
Iba rong ya international rong arishitepba sentong ka nung dener Pusan port, South Korea nungi Vladivostok, Russia-i aoerba liasü.
Iba rong ya Deobar anepdang 10:00 ako nung apusoa yokogo ta Pyongyang nungi Russia nem osang agütsüogo, ta Bochkarev-i ashiba RIA Novosti news agency osang ajanga metetdaktsü.
Iba rong ya apusor gondha 24 nung Vladivostok atongtsü.