Russia o Ukraine Foreign Minister na taruba hopta ajuruteptsü

Moscow, November 25 (Agencies): Ukraine Foreign Minister, Pavlo Klimkin den ajurutepa, Ukraine anüdoklen yimji yimjung lidaktsütsü den sentakba onük benoka jembitsü nükjidong nung Russia Foreign Minister, Sergei Lavrov-i taruba Mongolbar nü Belarus yimtiba, Minsk bushia aotsü sentong renemba osang ka Russia’er foreign ministry-i tanü, Hokolbar nü metetdaktsüogo.
Kasa senden nung Germany Foreign Minister, Frank-Walter Steinmeier aser France Foreign Minister, Jean-Marc Ayrault natia shilem agitsü renema lir.
“Taruba hopta amentsü ayongba sendenji tenüng agi amenba senden ka dang akümtsüa ana nung lir,” ta shia, West aser Ukraine nati Ukraine sorkar aser sorkar anemertemi Minsk nung taoba mapang agiba yimjung tezüngzüktep Ukraine sorkar kija ajangzüktsütsüsa perepsaba olen ka Lavrov-ia metetdaktsü.
“Minsk tezüngzüktep asangsang nung takok ngua inyakdaktsütsü atema Ukraine lenirtem ajungshitsü asoshi West lenirtem ayongzüker,” ta pai shisem.