Russia’er anünglak tayimtsü ka ISS nung anenzükogo

Baikonur, July 24 (Agencies): Russia, America aser Japan nunger anünglak senzür ka ka aniba Russia nunger anünglak tayimtsü, Soyuz TMA-14M International Space Station (ISS) nung Brehostibar nü anenzükogo.
Anünglak senzür 3 aniba tayimtsüi alima nungi mile 250 shi pilar aliba ISS nung yashinep 2:45 ako meta anenzüka liasü.
Russia-i Kazakhstan nung tentetba Baikonur cosmodrome toktsür ghonda 5 ser minute 45 shi anüng nung jajar külen tayimtsüji ISS tonga atuba osang jangjaogo.
Russia nunger Oleg Kononenko, America nunger Kjell Lindren aser Japan nunger Kimiya Yui nungeri tan mezüngsüa anünglaki atuba sülen ISS nung telidakpur, Gennady Padalka, Mikhail Kornienko aser Scott Kelly nunger den ajurutepa liasü.