Russia’er athlete-temi Rio Olympics nung shilem magitsü akok

Vienna, June 18 (Agencies): Russia nunger athletics asayartem Rio Olympics nung shilem magidaktsüi nokdangtsü lemtetba osang ka International Association of Athletics Federations (IAAF)-i tanü, Honibar nü metetdaktsüogo.
Nokdanga aliba mozü mora achiba ken o nung aitsüba sülen IAAF-i tan Russia’er asayartem anema tenokdanga sentong ya benoker lir.
“Austria kübok Vienna nung amenba IAAF senden nung shilem agir ajunga Russia asayartem anema tenokdangba sentong benoktsüji bangjema agizüka liasü,” ta IAAF Tir, Sebastian Coe-i metetdaktsü.
International Olympic Committee (IOC)-ia IAAF-i agiba telemtetba pusema nungitsü lemtetba osang tanü sangoktsüogo aser ibaji ajanga Russia’er athlete asayartemi taküm August ita 5 nü nungi tenzüka Brazil kübok Rio de Janeiro nung asayatsü ayongba Rio Olympics nung shilem magitettsüsa jenjang tamajung ajurur lir.