Russia:Raradang telungpur 6 aser sepai-a 6 asü

MOSCOW, March 24 (Agencies) : Telungpurtemi Chechnya nung sepaitem aliba tesem amaktsü merangba den takok ngua raraba mapang sepia trok süoao, ta Russia-i metetdaktsü.
National Guard of Russia-i, Hokolbar anepdanga züngia lia “armed bandits” ta ajaba teloki mepet tzüsü dak atsükoker arua shingaia nüka maliba sepaitem aliba tesem ka arua amak, ta sangdong ka ajanga metetdaktsü.
Iba mapang sepaitemi oa nokdangtsü meranga khatepdang Russia nunger sepaitem aika yiru aser trok asü. Aji dang masü saka sepaitemi telungpura trok khasetogo, ta kasa sangdong ajanga metetdaktsü.
Soviet nung telemsa adokba sülen Moscow-i 1991 küm nungi lokti tuluba nungi razüka aoba aser Muslim amanger timba aliba telok ana tashi den rara aruogo. Ajisüaka Chechnya nung iba ama khatepba yabo matalokdangi liasü.
North Caucasus tesemlen aliba nüburtemji koleni anidir anidakba nüburtem lir, ajisüaka mapa manguba aser teraksa jenti atalokba ajanga parnok lanur aika Islam tamangba yimsü dangi meyiper.