Ruzazho yimtsüng nung anogo ananü shisatokden alitsü

Dimapur, April 22 (TYO): Indian Council of Historical Research (ICHR)-i April 25 & 26 anogotem “The Battle of Kohima and its impact on India’s Freedom” shisatokden sentong ka ayongzüka agitsü.
Iba sentong ya Subhas Stayed House Compound, Ruzazho Village nung alitsü. Iba ya Nagaland nung Phek District kübok mezüngbuba INA Administered Village liasü.
Anogo ananü sentong ya Pfutsero Government College, Nagaland-i ayongzüker aser Netaji Subhas Chandra Bose Memorial Development Society (NSCBMDS), Nagaland o Chakhesang Students’ Union (CSU) temia külemi yariteper.
Sentong nung Nagaland & Arunachal Pradesh Angh, PB. Acharya-i tongti tesemdanger aser Tripura Angh, Tathagata Roy-i tetushi süa jaoker ama shilem agitsü, ta CSU President, Dode Nakro-i sangdong ka nung metetdaktsü.
Maneni, shiatokden tembangba sentong nung Naga Students’ Federation (NSF) President, Subenthung Kithan-i tetushi süa jaoker ama shilem agitsü, ta paisa ashi.
Iba sentong nung shisalen sayurtemji, Maj. Gen. (Retd) Dr. GD. Bakshi, Dr. Purabi Roy, Member, ICHR, Dr. Tapan Chattopadhyay, Ph.D. & D.Litt. in History, Dr. Er. Vekho Swuro, Chairman, NSCBMDS & Independent Scholar, Nagaland, Abhijit Chaudhury, Retd. History Professor, St. Edmunds’ College, Shillong, Rev. Savito Nagi, Independent Scholar, Nagaland, Kamal Dutta, Principal, Pranabananda Vidyamandir, Hojai, Assam, Tavezo Latso, Asst. Professor, Pfutsero Government College aser Zhokusheyi Rhakho, Asst. Professor, Phek Government College nungertem asütsü.
Anogo ananü shisatokden lapokba sentong nung mendenji Phek Deputy Commissioner, Murohu Chotso asütsü aser Pfutsero Government College Principal, Dr. Moanochet Longchar-i tesentepertem pela agizüktsü.
Ruzazho, Chesezu tesemtem nung Subhas Chandra Bose aser INA sepaitem aliba kuli angur ana tanü tashi taküm lir aser tena nem sentong ayongertemi sempet agütsütsü. Tenaji Poswuyi Swuro, (DB) Ruzazho Village aser Vezo Swuro (Informer) Chesezu Village lir.
Iba sentong nung dennürtemi Chakhesang Students’ Union (CSU) office den 8974788525 mesüra 9612715060 ajanga tongteprateptsü akok.