Ryan Gosling-i Neil Armstrong ama shilem agitsü akok

Los Angeles, November 25 (Agencies): ‘The Notebook’ film nung tongti shilem agisang, Ryan Gosling-i ‘First Man’ film nung Armstrong ama tongti shilem agitsü asoshi jembiba osang angazükogo.

Meimchir rongnung ita nung mezüng tetsüng ajemoksang, Neil Armstrong taküm otsü nung ajemdaker yanglutsü renemba ‘First Man’ film ya Universal film-i ketdang asütsü tenzüka lir.

Kasa film ya ‘Whiplash’ film direct asüsang, Damien Chazelle-i direct asütsü renema lir ta Deadline-i metetdaktsüogo.

Chazelle aser arishi küm 35 tain Gosling nati tang teyangludak musical film, ‘La La Land’ nunga külemi shilem agiba osanga jangjaogo.

James Hansen-i züluba Armstrong indang taküm otsü kaket, ‘First Man: A Life Of Neil A Armstrong’ nung ajemdaker iba ‘First Man’ film ya yanglutsü sentong renemogo.

Armstrong-i tesüiba mapang, 1969 küm Apollo 11 anünglak tayimtsü nung ita tonga atuba sülen küm 50 abensatsü mapang tonga aruba mapang nung tang pa nüngtem nung iba film ya yanglutsü sentong renemogo.