S. Africa train lendong nung nisung 200 yiru

Johannesburg, Aenjeti 09 (Agencies): South Africa indang yimti tuluba, Johannesburg nung Sangtennü passenger train ana tsüktepba lendong nung nisung 200 shi yiru, ta emergency service network, ER24 ajanga ashi.
“Iba lendong atalokba indang kuli tejangja monguteti lir saka iba tesem nung ketdangsertemi oa lir aser iba ken o bushisüngdang asütsü,” ta ER24 ajanga sangdong ka nung ashi.
South Africa linük tiyonglen train kati khu abenba gari tulu ka dak atsükba lendong nung nisung aika asü aser noklang aika yirur anogo eshika dang lir atalokba lendong nung asü-amarbo kata mali.
Iba continent nung railway network ya South Africa nung tuluba lir, saka junga anepalu masüba aser senotsü shidak teperi indoka meyangluba ajanga lendong tali adoker.
2016/17 financial year mapang linük indang railway nung nisung 495 taküm samaogo aser 2,079 yiru, ta South Africa sorkar indang Rail Safety Regulator (RSR) ajanga osang agütsü. Asürtem ya taoba küm dang nungi shilem pongu agi timba lir.