S. China Sea nung China-i desalination plant ka lapok

Beijing, October 5 (Agencies) : Ashishitep aketba South China Sea ji par meyong lir ta sayua China-i iba tesem nung mezüngbuba desalination plant ka lapokogo ta osang metetdaktsü.
Iba plant ji Sansha City nung yanglu aser iba yimti ya 2012 küm tentetba lir. Sansha City yagi Spratly Islands dena asetkong aika madak ketdang asür.
Sansha City kübok Yongxing Island nung desalination plant ji Honibarnü lapok aser iba plant ajanga anogo shia tzüyim tzü 1,000 tonnes merüktettsü akoker aser tzü temerük 700 tonnes shi adokdaktsüteter, ta Xinhua news agency ajanga metetdaktsü.
China South China Sea nung schools, offices aser tanga administrative infrastructures aika lapokogo.
South China Sea ajanga kümshia $5 trillion den teimba osettsüsettem belener aser iba tzüpak ya Philippines, Vietnam, Malaysia, Brunei aser Taiwan temi rakteper.
Philippine-i iba tzüpak atema ken o benokba sülen international tribunal ka tentetogo aser iba tribunal ajanga China-i kibur akümba aitsür.
Ano külen, China nung State Oceanic Administration (SOA)-i state-level marine parks 9 lapoktsü atema osang metetdaktsü aser park ka Hainan nung lapoktsü aser ibaji South China Sea anasa lir.