S D Samaj-i ambulance ka semzüktsü

Dimapur, Luroi/August 27 (TYO): Deobarnü Dimapur nung Shri Digamber Jain Samaj puri ambulance tasen ka semzüktsüogo aser iba ajanga Nagaland nung aliba nüburtem ajangzüktsü.
Iba Ambulance nung nisung taküm ka sota ayutsü asoshi tenüngdakba facility ajak inokja lir. Namokar Vikas Mandal (NVM), Dimapur puri iba ambulance ya achaayangtsü aser shiranger kinungertemi iba service amshitsü asoshi item phone number; 8794001010, 9436003109, 8575259053 tem nung tongteprateptettsü. Iba ambulance ajanga linük nung tesem ajaki shirangertem jenjang tajemtiba nung anir senzütsü.
Temetettsükaji NVM ya Jain Samaj, Dimapur kübok voluntary workers wing ka lir, shirnoki samaj inyakyim ajaka nung shilem agia teyari agütsür aser iba den Honibar shia Jain nunger ki ka nung Namokar Nites ayongzüka katsür, ta S. D. Jain Samaj Dimapur, tir Om Prakash Sethi-i sangdong ka ajanga metetdaktsüogo.