S.I Jamir-i Children’s Park yanglutsü atema lung azüngtsü

June 24, 2016 nü New Reserve Phesama nung Children’s Park yanglutsü atema lung azünga yutsüba sülen S.I. Jamir aser tangartem tangokba noksa angur.

Kohima, June 24 (TYO) : Hokolbarnü Urban development advisor, S.I. Jamir-i New Reserve Phesama, Kohima nung Children’s Park yanglutsü atema lung azünga yutsü.
Iba Park ya Atal Mission for Rejuvenation and Urban Transformation (AMRUT) programme kübok yanglutsü.
Nagaland nung AMRUT programme inyaktsü atema yimti ana shimtet aser mezüngbubaji state yimtiba Kohima aser tanabubaji Dimapur lir.
“Nagaland nung rongsenren tsütsü aintsüba atema urban area tem kanga dang tongtipang lir. Asen state nung internal revenue tera angubaji urban area tem nungi anguba dang lir” ta tanü S.I. Jamir-i ashi.
1963 küm Nagaland state anguba sülen nütsüng yongsük shilem 5.3 agi renlokogo aser urban nütsüngtem 18.4 agi timba renlok. India nung 2001 aser 2011 kümtem census agiba nung urbanization tematibaji jenjangji Nagaland nung liasü ta bushitet. 2001 küm national level nung urbanization rate ji Nagaland nung 68% liasü, ta paisa metetdaktsü.
“Nagaland nung kobi melii jila nung alirtemi yimtsüng nung alir nütsüng ajangtettsü. Iba ya urban policy makers aser planners atema tayongzükba tuluka lir. Infrastructure services, poverty, housing, slums, employment, solid waste, environment, traffic aser transport onüktem atema bilema inyaktsüla” ta S.I. Jamir-isa shisem.
State nung yimtiba asüba agi linük nung AMRUT kübok 500 Mission Cities nung Kohima densemogo. Iba mapa ya sensotem, ketdangsertem aser bangdakpurtem ajak amalitepa inyak nungdang takok angutsü. Kohima Municipal Council nung inyakyim melenshitsü aika lir aser ano state sorkar-ia urban governance nung temelenshitsü aika lir, ta paisa metetdaktsü.
Sentong nung Urban development director, Ken Keditsu-i ashiba agi, AMRUT ya centrally sponsored scheme ka lir aser yaküm India Prime Minister-i tenzüktsü.
Mission indang nükjidongji yimti nung kilen ajak nem nüngdakba teyari agütsütsü aser ano nüngdakbatem yanglutsü lir. 2015-16 nungi 2019-20 tashi Mission-i yimti 500 nung basic infrastructure projects atema Rs. 50,000 lakhs lemzükja lir,
AMRUT-i water supply, sewerage & septage management, storm water drainage, urban transport aser green spaces/parks yanglutsü.
Sentong nung mendenji urban development secretary Imjung M. Panger liasü aser KMC administrator Kovi Meyase-i anküp tepela o jembi.