S.I. Jamir-i Garbage Transportation Vehicles tenzüktsü

Dimapur, September 15 (TYO): September 15, 2017 nü Solidarity Park, New Capital Complex, Kohima nung Garbage Transportation Vehicles tenzükba sentong agi.
Iba sentong nung tongti tesemdangerji Advisor, Urban Development, S.I Jamir liasü. Iba project ya Kohima Municipal Council atema State Investment Programme Management & Implementation Unit -Asian Development Bank-i teyari agütsüba project ka lir.
Sentong nung o jembidang SI Jamir-i ashiba agi, garbage transportation vehicles ji tapu ana lir, ka- lenmang nung jana bendentsü atema Refuse Compactor Vehicle aser ka- ward balala nungi jana bendentsü Primary Collection Vehicle lir.
Lerie nung Solid Waste Management Facility kanga junga amshitsü atema Kohima nung alirtemi KMC den yariteptsü mepishir, ta Adviser-isa ashi.
Paisa SIPMIU aser KMC na dang loktii waste management nung shilem agitsü atema ward, rejutem, office aser NGO tem den awareness campaigns agitsü atema ayongzük.
Sentong nung Additional Programme Director, SIPMIU, Er. Limanaro-i technical report agütsüdang, KMC aser SIPMIU nati Kohima nung Solid Waste Management tajungba kümdaktsütsü atema mapa meranga inyaker ta ashi.
Waste Collection System indang osang tejangja metetdaktsüdang Limanaro-i ashiba agi, Compactor Vehicles 5, Primary Collection Vehicles 29, 1.1 Cum Bins 42, Household Bins 52000, Shoulder Bins 236, Pole Mounted Bins 200 pairs aser Personal Protection Equipment 432 sets ajanga iba mapa ya inyaktsü.