S Korea-i America senso ka tepuokdak küm 20 puoka merenshir

Seoul, January 29 (Agencies): South Korea nung tentetba okadak kati nisung tepsetba ken o nung aitsüba sülen America senso ka nem tepoukdak küm 20 tashi puoka merenshitsü obendang tanü, Hokolbar nü agütsüogo.
“Taoba mapang, 1997 küm Seoul yimti kübok Seoul Burger King chiyongtsü ayokdak S Korea nunger kaketshir ka kotari agi tsüngsetba ken o nung aitsüba sülen Seoul Central District Court-i Arthur Patterson tanü merenshiogo,” ta Yonghap news agency-i osang jangjashitsü.
Arishi küm 22 tain Cho Choong-pil tsüngsetba ken o nung aitsüba sülen arishi küm 36 tain Patterson nem mezüngbo ita 18 tashi tepuokdak puoka ayutsü temerenshi agütsü.
Tesülen, pa dang taochi balaka sayua tepuokdak nungi chiok aser Patterson tepoukdak nungi adokba sülen pai Seoul toktsür US-i jena ao.
US nung küm 16 tashi jenoka aliba sülen Patterson Seoul-i tanaben yaküm September ita anir ao.
Kasa ken o nung ajemdaker, Patterson medemer, America nungersa, Edward Lee-ia aija pa nem taküm piyong tepuokdak puoka ayutsü temerenshi mezüngbo agütsü saka pai aibelena inyakba kuli tejangja mongutetba yong pa tesülen chiokadok.

You must be logged in to post a comment Login