S Korea o Philippines nati tongti mitkar tezüngzüktep agir

Manila, September 14 (Agencies): South Korea aser Philippines linük nati tongti mitkar tezüngzüktep ka tanü Hombar nü agiogo.

Korea linük ana tsüngda adokba mangatettep ken o den sentakba densema par linük ana tsüngda miim osangtsüsang balala lemsateptsü tezüngzüktepji S Korea Defense Minister, Han Min-koo aser Philippines Defense Secretary, Voltaire Gazmin nati tanü zülutepa agi.

“Tan tezüngzüktep agiba ajanga S Korea nung ayanga alir Philippines nübur meyirijang jenti taküm kümzüka ayutsüsa ozü linük anati Korean Peninsula nung tatalokba balala den sentakba miim osangtsüsang tajungba meteta akümtsü,” ta Gazmin-i osangbener den ajurutepdang metetdaktsü.

“Philippines-i par mitkar tashi tali tashi itshitsü asoshi inyakba maparen pusemer. Ano, linük kati ka nem aküm agüja lenji otepa jembitepba ajanga tang China den adoka aliba South China Sea den sentakba mangatettep ken o bentettsü merangtsü ajungshir,” ta Minkoo-ia metetdaktsü.

Ano külen, S Korea nung tentetba tongang nung amshitsü osettsüset yangluba telok kati Philippines sorkar dang ayoktsü renemba fighter jet tayimtsü 12  rong nung mezüngbuba tayimtsü 2 taküm December ita  Philippines tongtsütsü renemba osanga angazükogo.