S Korea tsür Chun-i US Women’s Open takok marok agizükogo

Lancaster, July 13 (Agencies): South Korea tsür Gee Chun-i tatembangbuba hole 7 rong nung hole 4 tashi nung birdie yanglua US kübok Lancaster Country Club nung asayaba US Women’s Open golf asayamong takok marok yashi Deobar nü agizükogo.

Arishi küm 20 tain Chun-i tatembangbuba round nung 4-under 66 yanglua points 8 under nung tembanga asayaba sülen US Open takok marokji agizük.

Taoba mapang, 2005 nung Birdie Kim-i takok marok agizükba sülenbo Chun ya mezüngsüa shilem agidang takok marok agizüker mezüngbuba asayar akümer lir.

3 buba round nung temaba jenjang angur, Amy Yang-i Nos. 16 & 17 na nung eagle-birdie yanglua liasü saka 18 buba round nung bogey anguba yong lai stroke ka agi Chun memepi tanabuba jenjang angu.