S.M College nung Workshop sentong ka ayonga agi

Dimapur, Aenjeti/January 30 (TYO): Sakus Mission College nung Department of English aser IQAC na longjema January 29, 2019 Mongalbarnü Workshop on Reading and Writing Skills sentong ka College auditorium nung ayongzüka agia liasü. Iba sentong nung Sentilong Ozukum, EAC, Medziphema shisalen sayur ama jaok.
Sentong nung jembiba mapang EAC, Sentilong-i o tsüngro songa jembiba ajanga kaketshirtem saksalemdaktsü aser shisatsü renloka tebilemba aintsü atema kaketshir taküm nung zülutsü aser azüngtsü indang tongtibang onüktem lemsatepa liasü. Ksa sentong nung session tanabubaji olemtep agitsü atema mapang lapokja liasü kona kaketshirtem nem tajungshiba tulu agütsü.
Iba sentong nung Imtiyanger (Asst. Prof. Dept. of English) menden liasü. Sentong tenzüka Amenla Aier (Chaplain, SMC)-i sarasademtsü. Zuchano (HOD, Dept. of English)-i college aser English Dept. indang telok dang rasa ashi aser sentong tembanga Asenla Yanger (Co-Ordinator, IQAC)-i tepela anküp o jembia liasü.