S.S Khaplang-i PDCK tentetba atema tenüngsang agütsür

Dimapur, November 1 (TYO) : Karbi nungeri Karbi Longri state tentettsü atema takhangba agüja raratsü lemtetba atema NSCN/GPRN Chairman aser President, S.S Khaplang-i tenüngsang agütsür, ta MIP, NSCN/GPRN sangdong ka nung metetdaktsü.
PDCK tentetbaji Karbi nunger temeten aser taginübatem asoshi inyakba dang masü saka asenok tesem nungi India nunger ketdangsübaren agientsü atema WSEA-i telemtetba agia aliba tashi itshir asütsü, ta S.S Khaplang-isa ashi.
NSCN/GPRN-i WSEA nung bendanga agüja adener aser külemi sendaktepa alirtem pusemtsü aser yaritsü. Asen nübor aser linük mangdang asangsang nung atalokdaktsütsü atema asenoki okrongba aremtsüla aser taküm bendanga agütsütsü mulungtsüla, ta paisa ashi.
India-i telemsa adokdakja maparen inyakba nem asenok mekokdaktsütsüla saka tashiyim amshia ketdangsüba India anema asenok longjemtsüla aser tashi aittsüla. Maneni NSCN/GPRN Chairman aser President-i PDCK nem tenüngsang agütsür aser WSEA nung parnok pelashishia agizüker, ta MIP sangdong nungsa metetdaktsü.