Geneva, November 02 (Agencies): South Sudan sorkar anemertemi hopta 1 shi tashiyim agi pua yur külen United Nations (UN) contractor 13 tashi chiokba osang ka UN-i tanü Hombar nü metetdaktsüogo.
S Sudan nung tentetba UN tesepi totzü rong ka nung bener otsüdang tanü chioker 13-ji sorkar anemertem taoba hopta tashiyim agi pua ayu ta UN-i metetdaktsü.
UN-i par helicopter tayimtsü yoka alima ajunga nung linük tanubotiba, S Sudan nübur 13 aser parnoki aniba rong anitet saka rong nung abenba totzü litre 55,000-bo mongutetba osang jangjaogo.
“S Sudan sorkar anemer den hopta ka shi agia jembiba sülen ang sorkar anemertemi nisung 13-ji chioktsü mulungtet,” ta UN otongdar, Shantal Persaud-i metetdaktsü.
S Sudan sorkar anemertemi mapa inyaker 13 chiok added by asungba on
View all posts by asungba →
You must be logged in to post a comment Login