S Sudan sorkari pei sensotem bendangleni meyoki nokdanger: AI

Juba, July 16 (Agencies): South Sudan’er national security ketdangsertemi pei sensotem bendangleni meyoki nokdangba osang ka alima ajunga nung meimchir temeten asoshi nokdaker tongti tentet, Amnesty International (AI)-i tanü, Honibar nü metetdaktsüogo.
“S Sudan’er national security ketdangsertemi bendangleni aotsü meranger S Sudan nunger ajunga nokdangba kuli bushitetogo. Sorkar ketdangsertemi yamaji inyakba ajanga linük temzüngi senso shia nem agütsüba tetsüdakba kecha meli senzüsenpongtsü temeten anema inyaker lir,” ta AI ketdangser, Elizabeth Deng-i metetdaktsü.
S Sudan Tir, Salva Kiir aser First Vice President, Riek Machar na pusemer sepaitem rong nung tanaben tongpang raratsü tenzükba ajanga S Sudan nung tang tensa mejungi aliba osang bushiteta lir.