SA-i tan asayaba mezüng ODI nung India kokogo

Kanpur, October 11 (Agencies): Kanpur, Green Park stadium nung tan India den asayaba mezüng ODI nung South Africa (SA) nungi De Villiers-i runs 104 azükba ajanga India madak takok nguogo. Pai ODI 191 asaya aruba nung century 21 yanglutetogo.
Tanü asaya nung ball 73 nung pai run 104 yanglu aser iba mapang pai ‘four’ pongu aser ‘six’ trok züka liasü.
Ravichandran Ashwin yiruba ajanga 4.4 overs dang ontet aser ibaji ajanga SA nunger maongka angu, ajisüaka pai aonba mapang nisung ka out sütsü aser runs 14 dang agüja liasü.
Iba sülen ano Amit Mishra over 23.2 buba nung Amla out sütsü aser iba mapang parnok nisung ana out ser runs 104 liasü.
SA nungeri over 50 nung nisung pongu out ser runs ajak agi 303 yanglua toktsü.
Iba sülen India nunger batting asüba mapang Rohit Sharma-i ball 133 nung ‘four’ ter ser asem aser ‘six’ pezü züka runs 150 tashi yanglu. Pai tan runs 100 azükba ya zünga pa ODI asaya aruba nung century ti buba azüker asütsü.
Over tatemsa asem aontsü anünga aliba mapang India nungeri akoktsü asoshi runs 31 nüngdaka liasü. Iba mapang Dhoni aser Stuart Binny na senteper ball 12 nung runs 20 yanglu anungji tesüsabuba ball trok nung runs 11 nüngdaka aküm.
Tesübuba over ball asem nung Kagiso Rabada-i runs pezü dang yangluteterbo anünga aliba ball nung batsman anaprongla out süadok. Anungji iba asaya nung India-i runs pongu agi South Africa mokoki atem.
Tanabuba ODI ji October 14 nü Indore nung asayatsü.