‘Sa Re Ga Ma Pa’ sabang nung Mika Singh ajep

Mumbai, July 2, 2016 : Nüngtugu kententepba sentong “Sa Re Ga Ma Pa” nung shisa agütsür, kentener Mika Singh iba sentong tekadak nung temulung kanga shitranga ajep.
Zee TV nung iba sentong akadang tetoktepertem aser shisa agütsürtem Mika, Sajid Ali, Wajid Ali aser Pritam Chakraborty nunger den külemi ano sentong ketdangser Aditya Narayan nunger nem parnok meima sapurtemi ‘surprise’ ka agütsüba ajanga sentong nung adener aser ketdangsertem ajak temulung nung kanga kongshi.
Item lanur kentenertem ya tang ‘finale’ sentong atema renemshitsü asoshi pei kidang nungi pilar joko ita asem shi lir. Anungji parnok peladaktsütsü atema shilem agirtem tsürabur ajak sentongi anir aru.
Sentong tagidak nung shisa agütsürtemi pei tsürabur meimba rasaa shitep.
Teti dang tebilemtsü kecha mali ama kanga pela alisang Mika dang naia nür tsürabur koba tika menungrar ta asüngdangdang pa second ishika kanga ajemajema aküm aser tenük nungi nüktzü alu, ta sangdong ka ajanga metetdaktsü.
Sajid aser Wajid na danga tetsüi temulung nung kongshitsüla message ka yokba reprangdaktsü.
Iba video nung; “Ozü tanurtemji kü taküm lir, ni kü jabasotem kanga meimer aser Wajid ya ajak danga nungia kü den close tasüba,” ta shia lir.
“Wajid ya ketsü den kanga close lir aser laia onok ajak dang nungi pa temeimba. Ketsü ya onok asoshi tashi tulutiba lir, ajisüaka ano onoki kübua kanga menungrar. Pa azüng zülu meliaka pai onoki kanga junga anitetba ajanga alima ajaki onok meteta aküm,” ta Sajid-i ashi.