SA Tir Zuma indang ken o jembitsü: Court

Cape Town, October 13 (Agencies): South Africa Tir Jacob Zuma anema sorkar mapa inyakba mapang ochimashiba, taila mapa inyakba aser senotsü junga mamshiba ken o benoka jembitsü, ta Supreme Court of Appeal ajanga obendang agütsüogo.
1999 küm prangbong alitsü asoshi yangluba sentong nung ochimashi mapa inyakba ken o 783 benoktsü, ta taoba küm court kati obendang agütsüba nung molungtepogo.
Iba ken o ya küm ti tejaklen agien aser Zuma ya tir aküm.
Saka tir-i pa tai mali, ta nokdaka arur.
Iba obendang ya tejashitsüka saka imla liasü, ta Zuma indang office ajanga sangdong ka nung ashi.
Pa nem temerenshi agütsütsü asoshi obendang magütsüdang pa indang legal team nem maongka agütsütsü asoshi South Africa indang National Prosecuting Authority (NPA) ajanga melatsü tir-i imlar.
Item ken o nung Zuma tesendaktep alisang shishilembar Shabir Shaik densema lir. Zuma ajangzüktsü asoshi France nung prangbong yangluba company ka ajanga sübokerm agütsüba nung Shaik densema aliba ya 2005 küm kuli nguteta liasü.
Zuma aser sorkar tenzükertemi fighter jet, petrol atsükba rong aser prangbong aliba mapang sübokerm amshia ochimashi mapa inyak, ta aija lir.
Item ken o ya Zuma anema 2005 küm benok saka prosecutor temi 2009 küm item ken o ya agientsü.
Taoba küm opposition telok Democratic Alliance ajanga Pretoria nung aliba High Court nung benokba ken o nung ajemdaker Zuma indang ken o angadangtsüla, ta obendang agütsü.
Zuma-i iba obendang anema Supreme Court of Appeal nung ken o benoka liasü