‘Saala Khadoos’ film Dec. 18 nü sayatsü

December 12, 2015: R. Madhavan-i tongti shilem agia aliba, saisapong dak sentakba “Saala Khadoos” film-a “Bajirao Mastani” aser “Dilwale” film tem den küleni sayatsü.
Sudha Kongara Prasad-i mezüng direct asüba film ya Rajkumar Hirani-i produce asüba lir.
Hirani-i bilemba nung ajemdaker “Saala Khadoos” film ya December 18 nü film tesashi ana sayaba mapang sayatsü lemtet, ta sangdong ka ajanga ashi.
Iba film nung Madhavan-i tsüngtep sayur shilem agia lir. Pai shilem agiba film “Tanu Weds Manu 2” (2015) sülen “Saala Khadoos” ya sayarba lir.
Iba film nung tetsür tongti shilem agilaji, Ritika Singh lir aser la ya tsüngteper ka ama shilem agia lir. Ritika Singh ya shitakba nunga tsüngteper ka lir.
Iba film sayaba sülen January 28, 2016 nü nungi theatre nung sayu tenzüktsü.