Sadar Hills aser Jiribam district akümtsü magizüker

Dimapur, October 31 (TYO) : October 31, 2016 nü Hebron nung NSCN Council Of Kilonsers aser Steering member tem rongdak senden ka amendang Manipur nung Ibobi-i aniba sorkari Sadar Hills aser Jiribam tesemtem district akümtsü metetdaktsüba magizüker ta kanga akhanga jembiogo, ta MIP-i sangdong ka ajanga metetdaktsü.
Senden nung,  iba ama tai telemtetba anema tatem tashi nokdaktsü ajaki mulunga lemtet aser parnokisa obang ka sür item tesemtemji tetsü tebou mapang nungi Naga nunger meyong ta jangjashitepa ayu.
Item tesem nung alirtemi ali kibur mezüngshira, NSCN/GPRN-i ali kibur (Naga nunger) temeten anema inyakertem dang maremzüktsü. Aji oda süaka parnoki ang ali kibur angateta aser akhümtsübua arura parnoki aginüba nung atsüanem kateptsü renema lir, ta MIP sangdong nungsa metetdaktsü.