SAF Games sangküm February tashi atsülanger

Chennai, Oct. 11 (Agencies): 2015 January 10 nungi Guwahati aser Shillong na nung asayatsü aliba, South Asian Games (SAF) mapang atsülangogo.
Deobar nü Chennai nung Indian Olympic Association (IOA) Tir, N Ramachandran lenisüba nung South Asian Olympic Council züngsemtem senden amenba mapang iba telemtetbaji agia liasü.
Council-isa tang saisapong 22 aliba nung Tennis saisapong-a züngoktsü lemtetogo.
Ramachandran-i, “Iba telemtetba ya, iba mapang nungji item state nung kanga temekong asüba den külemi züngsem kari mepishiba nung ajemdaker agiba liasü. India sorkar, Assam aser Meghalaya sorkar aser stake holder tem den lemtepba sülen anogo tejangjaji anogo 15 tsüngda national Olympic committee züngsemtem nem metetdaktsütsü,” ta ashi.
SAF Games nung saisaponger 4000 shi kati shilem agitsü imlar.

You must be logged in to post a comment Login