SAFF Championships nung India tsürtemi Nepal goal 10-0 agi akok

Dhaka, December 19 (Agencies): SAFF Championship nung India under-15 women football team-i Nepal 10-0 agi kokogo. Iba asaya nung Priyanka Devi aser Sunita Munda nati hat-trick kaka idaktsü. India tsürtemi asaya mezüngbuba shilem nung goal 5 aser asaya tanabuba shilem nung goal 5 ta idaktsü.
Priyanka Devi aser Sunita Munda na den külemi Lynda Kom, Santhiya aser Anay Bayi nungeria goal idakja liasü.
Asaya tenzüker minute 4buba nung mezüngbuba goal Lynda Kom-i idaktsü, iba sülen ano laisa minute 32buba nung tanabuba goal idaktsü.
Asaya mezüngbuba shilem nung maneni ano Sunita Munda, Santhiya aser Priyanka Devi nungeri minute 33, 40 aser 43 buba nung goal kaka agüja asaya mezüng shilem goal 5-0 nung tembang.
Asaya tanabuba shilem nung India tsürtemi kanga junga asayaa aser Priyanka-i minute 53buba nung la asoshi tanabuba goal idaktsü aser kasaji Sunita-ia la asoshi tanabuba goal minute 62buba nung idaktsü.
Iba sülen minute 69buba nung Anay Bayi-i goal ka idakja la India tsürtem rongnungi goal agütsür 5buba aküm. Maneni asaya nung goal idaktsütsü asoshi merangdanga arur minute 76buba nung Priyanka-i la asoshi goal tasembuba idaktsü aser Sunitai India tsürtem atema goal 10 buba aser la asoshi tasembuba ta minute 86buba nung goal ka idaktsü.
India team taruba asaya December 21nü Bangladesh den asayatsü.