SAG: Badminton asaya Guwahati nung asayatsü

Guwahati, December 22 (Agencies): India northeast kübok Guwahati aser Shillong na nung asayatsü ayongba South Asian Games (SAG) asayamong indang badminton asaya Guwahati nung asayatsü lemtetshiogo.
Taruba 2016 küm February ita 5-16 nü tashi asayatsü ayongba SAG asayamong indang badminton shilem densema, asaya shilem 8 tashi Meghalaya yimtiba, Shillong nung asayatsü mezüngbo renem.
Ajisüaka, saisapongdak junga renema maliba yong badminton asayabo Guwahati nung ang asayatsü asoshi tan lemtetshir lir.
“SAG asayamong indang badminton asaya Guwahati nung ang asayatsü lemtetshiba ajanga Shillong nung joko asaya 7 dang ayonga asayatsü asoshi tan renemshiogo,” ta asayamong tayonger luden-i osang jangjashitsü.
Ano külen, iba asayamong ya mezüngbo February ita 6 nü nungi tenzüka asayatsü renem saka tayongertemi anogo ka agi tekaraba, Febuary ita 5 nü nungi tenzüka asayatsü renemshiogo.