SAG: India-i medal 48 kokteta lir

Kathmandu, Luchii/December 4 (Agencies): Tang asayaa aliba South Asian Games 2019 nung India nunger asayartemi Bodhbarnü tashi nung medal 48 koktetogo.
Bodhbar anepdang India nunger asayartemi tetsür aser tebur discus throw nung gold aser silver kokteta liasü. Tebur asaya nung Kripal Singh-i 57.99 meters onteta otsü tasen ka yanglu. Kasa event nung Gagandeep Singh-i silver medal angu.
“Ni kanga pelar saka timtem kar aliba ajanga imlaba amabo masayatet. Tetsükdaktsü liaka onoki junga dang asayaogo aser kanga pelar. 2020 Olympics atema ano renemshia alitsü lenmang sadema lapoka lir aser onoki meranga inyaktsü,” ta Kripal Singh-i ashi.
Tetsür asaya nung Navjeet Kaur-i gold medal angu aser Suravi Biswas-ia kasa asaya nung shilver medal angu.
“Ni imlaba ama junga masayatet. Onoki tetsükdaktsü aika ajuruogo aser tebilemtsü tulutibaji circle kanga jungrara masü asü. Ajisüaka onoki medal koktetogo aser iba ya linük asoshi nemadangtsü mapang ka lir,” ta Kaur-i ashi.
Asayamung tenzüker anogo pezübuba, Bodhbarnü anüngdang tashi nung India nunger asayartemi gold pongu, silver asem aser bronze medal ana ta kokteter liasü.
Tebur long jump asaya nung Lokesh Sathyana-i gold aser Swaminathan Rav-i silver medal angu.
Tetsür long jump asaya nung Sandra Babu-i bronze medal angu.
Tetsür 200 meters asemtepba nung Archana Susneent-i gold medal aser Chandralekha-i bronze medal angu. Maneni tebur 10000 meters asemtepba nung Suresh Kumar-i gold angu aser ano Sajan Lama aser Gyandash Singh natia silver medal nguogo.