SAG: India teloki gold 76 densema, medal 122 agizükogo

Guwahati, February 09 (Agencies): India teloki gold 76, silver 36 aser bronze 10 densema, ajak agi medal 122 agizüka tang tasayadak 12 buba South Asian Games (SAG) asayamong anogo 4 buba, tanü Mongolbar nü tashi medal timba agizüker linük küma temaba jenjang nguogo.
India sülen anidaka, Sri Lanka teloki gold 17, silver 36 aser bronze 31 densema, ajak agi medal 84 tashi agizüka tanabuba jenjang ngua lir.
India’er tzüwartemi tanü gold 7, lasang kashishirtemi gold 5 aser athlete-temi gold 5, silver 6 aser bronze 3 tash India telok asoshi agizüktsü.
India teloki tebur aser tetsür volleyball final nunga Sri Lanka telok madak takok ngua gold 2 tashi agizük.
Sarabh Sangvekar-i mapang 3:58.84 seconds nung tebur 400m freestyle alizüng tonga otsü tasen yanglua gold agizükba den külemi, V Malvika-ia 4:30.08 minutes nung tetsür 400m freestyle alizüng tonga otsü tasen yanglua India asoshi gold agizüktsü.
Sajan Prakash-ia tebur 200m butterfly final nung takok ngua gold agizük aser Damini Gowda-i tetsür 200m gold agizüka liasü.
PS Madhu-ia tebur 50m backstroke final nung takok ngua India asoshi gold agizükba sülen India’er tsüwartemi tebur aser tetsür na naprongla indang 4x200m freestyle gold agizük.
Shillong nunga lasang kashishirtemi gold 5 prongla agizükba sülen parnoki ajak agi gold 10 aser silver 4 agizükogo.
Tetsür recurve team final nung Deepika Kumari, Laxmirani Majhi aser Bombayala Devi nungeri gold aser tebur team shilem nung Tarundeep Rai, Gurucharan Besra aser Jayanta Talukdar nungeri gold agizük.
Mixed recurve shilem nunga Rai o Deepika nati mezüngbuba jenjang ngua India asoshi gold 1 agizüktsü.
Tanü nikongtsütsüa, parnoki gold 2 tashi agizüka lasang kashishitsü tetoktepba nung ajak agi gold 10 aser silver 4 agizükba osang jangjaogo.
Kaur-i tetsür shotput gold aser Neeraj Kumar-i tebur hammer throw gold agizük.
Mayookha Johny-ia tetsür long jump nung gold agizüka liasü.
Ano, Man Singh-i tebur 5000m aser L Surya-i tetsür 5000m asemteptsü tetoktepba koka gold kaka agizüktsü.
India’er oset taret ajungkettertemia gold 13 aser silver 1 agizüka weighlifting tetoktepba tembangba osanga jangjaogo.
Tatembangba Cycle toktepa anishitsü anogo nung India asayartemi tanü gold 1, silver 2 aser bronze 1 agizükba sülen ajak agi gold 6, silver 5 aser bronze 2 agizükogo.