SAG: India teloki medal 186 agizük; temaba jenjang nung lir

Guwahati, February 10 (Agencies): India’er shooter, wushu aser athlete asayartemi takok tulu ngua shilem agiba ajanga India teloki tang tasayadak 12 buba South Asian Games anogo pungbobuba, tanü Bodbar nüa ajak agi medal 186 tashi ngua temaba jenjang nung lir.
India teloki gold 114, silver 59 aser bronze 13 densema, ajak agi medal 186 agizüka temaba jenjang aser Sri Lanka teloki gold 21, silver 44 aser bronze 61 densema, ajak agi medal 126 agizüka tanabuba jenjang nung aliba osang jangjaogo.
Neeraj Chopra-i tebur javelin throw, Arokya Rajiv-i tebur 400m, Arjun-i tebur discus throw, J Surendhar-i tebur 110m hurdles, Gayathry-i tetsür 100m hurdles, Ankit Sharma-i tebur long jump aser Sahana Kumari-i tetsür high jump nung temaba jenjang ngua athlete asayartemi India asoshi gold 7 tashi tanü agizüktsü.
India’er tzüwartemia tanü tzüwatsü tetoktepba tatembangba anogo nung ajak agi gold 5 tashi agizüka liasü.
Virdhawal Khade-i tebur 50m butterfly, Shraddha Sudhir-i tetsür 200m medley, Jyotsna Pansare-i tetsür 50m butterfly aser tebur o tetsür medley relay teloki 4×100 gold kaka agizük.
India teloki tzüwatsü shilem nung gold 5, silver 3 aser bronze 1 densema, ajak agi medal 9 tashi agizükogo.
Shillong nunga wushu tetoktepba tatembangba anogo nung India’er asayartemi gold 8, silver 1 aser bronze 2 densema, ajak agi medal 11 tashi tanü agizükba osang jangjaogo.
India teloki gold 11, silver 2 aser bronze 3 densema, wushu shilem nung ajak agi medal 16 tashi agizükogo.
Prangpong toktepa kashishirtemia gold 3 densema, ajak agi medal 6 tashi tanü prongpang tetoktepba tetenzükba anogo nung agizüka liasü.
Chandela-i tetsür 10m air rifle gold agizükba den külemi, tebur 50m pistol team aser tetsür 10m air rifle team nati gold kaka agizükba osang jangjaogo.
Ramkumar Ramanathan o Vijay Prasanth nati tebur doubles, Ankita Rana-i tetsür singles, Ankita o Diviji Sharan nati mixed doubles akokba ajanga India’er tennis asayartemia gold 3 tashi agizüktsü.
Shillong nung agiba table tennis tetoktepba nunga Anthony Amalraj o Manika Batra nati gold hat-trick anguba densema, India’er tennis asayartemi India asoshi ajak agi gold 7 aser silver 5 agizükja liasü.