SAG nung India nungi badminton asayartem semi-final tongogo

Shillong, February 7 (Agencies): Tang tasayadak South Asian Games (SAG) 2016 nung India nungi tettsür aser tebur badminton asayar ajak semi-final tongtetogo.
Semi final asaya nung India nunger teburtem aser Pakistan na asaytsü aser tetsürtem Bangaladesh den asayatsü.
India team badminton asayar telok nung P.V. Sindhu, Ruthvika Shivani, Ashwani Ponnappa, P.C. Thulasi, K Maneesha aser Sikki Reddy nunger lir aser parnoki Nepal tsür madak 3-0 agi takok angu.
Sindhu-i mezüng 21-2, 21-8 agi Sara Devi Tamang madak takok angu aser iba sülen Shivani 21-6, 21-2 agi la den asayala madak takok angu.
Nisung ananaser asayaba tettsür tarensen nung Sindhu aser Ponnappa nati 21-10, 21-8 agi takok angu.
Taoba mapanga India-i 3-0 agi Afghanistan koker semi final-i ai aser taküma ibaji mesüka atalokogo.
India nungi teburtemi Honibarnü Maldives aser Bangladesh madak takok angu.
Tanga linüktem asayaba nung Sri Lanka tsürtemi 3-0 agi Bangladesh tsür madak akok aser Pakistan tsürtemia 3-0 agi Maldives tsür madak takok angu.
Iba sülen nikongdang asaya nung Bangladesh tsürtemi 3-0 agi Pakistan tsür madak takok angu.
Teburtem asayba mapang Sri Lanka nungi Sachin Dias-i 25-23, 15-21, 21-15 agi Pakistan nunger Murad Aliq madak takok angu.
Ano külen Bangladesh teburtemi 3-0 agi Maldives madak takok angu.