Saif Ali Khan film ‘Kaalagandi’ September 8 nü sayatsü

Mumbai, June 23 (Agencies): Bollywood actor, Saif Ali Khan indang film tasenba, ‘Kaalagandi’ September 8, 2017 nü sayatsü, ta Cinestaan Film Company-i sangdong ka nung metetdaktsü.
Cult film “Delhi Belly” otsü zülusang Akshat Verma-i direct asüba Kaalagandi film ya alima balala nungi nisung trok indang otsü lir.
Saif-i, “‘Kaalagandi’ nung ni densemba atema kanga pelar. Iba film ya Mumbai aser telungpurtem, tamakok angur banker tem aser nüknürartem ajak meyoktepba nükrarar, ozüng alema inyakba aser aonung ka kija nung aika ajangshia aliba otsü lir,” ta ashi.
Osang ka ajanga ashiba agi, iba film otsü ya Saif dak rangloker zülu. Iba otsü ka küm ana sülen Saif ket atong.
“Iba film otsü ya Akshat-i zülu aser pai direct asü. Mumbai ya teratatsü yimti ka, tepor tajung yimti ka lir aser pai asayamenü film ya kanga temsüa yangluogo,” ta paisa ashi.
‘Kaalagandi’ ya Cinestaan Film Company aser Ashi Dua Sara-i produce asü, aser film nungsa Deepak Dobriyal, Vijay Raz, Kunal Roy Kapoor, Sobhita Dhulipala, Akshay Oberoi, Isha Talwar, Shenaz Treasury, Shivam Patil, Amyra Dastur aser Neil Bhoopalam nungeria shilem agia lir.