Saif & Katrina nati shilem agiba ‘Phantom’ trailer sayuogo

Mumbai nung Bollywood actress Katrina Kaif aser actor Saif Ali Khan na tenati shilem agiba film "Phantom" indang trailer sayaba mapang külemi noksa tangokba yangi angur. — Mumbai nung Bollywood actress Katrina Kaif aser actor Saif Ali Khan na tenati shilem agiba film “Phantom” indang trailer sayaba mapang külemi noksa tangokba yangi angur.

Mumbai, July 26 (Agencies) : Saif Ali Khan aser Katrina Kaif nati shilem agiba director Kabir Khan’er film “Phantom” indang trailer sayaogo.
Minute 2 ser second 41 trailer nung 2008 küm kiralongrartemi 26/11 nü Mumbai amakba indang noksatem kar sayur.
Iba film ya 26/11 nü Mumbai amakba sülen aser alima nung kiralongraba dak ajemdaker yangluba lir. “Phantom” indang screenplay ji kaketzülur Hussain Zaidi den asüngdangtepa zülu. Film indang otsüji Hussain-i züluba “Mumbai Avengers” kaket nungia agiteta lir.
“Phantom” indang trailer tatembang nung “India-i temeten aginür. Parnok ki kakpoka atutsü aser tepsettsü” ta ashir.
Iba film indang mezüngbuba poster sayuba nung Saif o Katrina naprongla linük wako agi tenük meibanger lir.
India aser Pakistan tsüngda tesentaktep nung ajemdaker yangluba “Bajrangi Bhaijaan” film sayar hopta ka shi lir külen “Phantom” film indang trailer yimjak nung sayuogo.
Iba film ya August 28 nü sayatsü sentong lir.

Saif & Katrina nati shilem agiba ‘Phantom’ trailer sayuogo added by nungsang on July 27, 2015
View all posts by nungsang →