Saina aser Praneeth na Thailand Open semi final-i iogo

Bangkok, June 02 (Agencies): Hokolbarnü India nungi Olympic medal angur, Saina Nehwal aser B Sai Praneeth nati US sen 120000 alang Thailand Open Grand Prix Gold badminton tournament nung takok ngua semi final-i iogo.
India tsür badminton asayar jenjang 2buba aser alima nung jenjang 11buba nung alila, Saina-i Japan tsür, Haruko Suzuki madak 21-15, 20-22, 21-11 agi takok ngua tetsürtem kija asaya semi final-i iogo. Iba asaya ghonda ka ser minute teku asayaa liasü.
Iba takok anguba sülen Sania-i la indang twitter nung, “Tanü kanga saaka takok nguogo #thailandGPG #quaterfinals….. set asem nung takok angu,” ta zülu.
Arishi küm 27 London Olympics medal angula, Sania-i Malaysia tsür Ying Lee madak 21-11, 21-14 agi koka quarter-final-i atua liasü aser lai semi-final nung Busanan Ongbamrungphan den asayatsü lir.
Tanep India nunger tebur badminton jenjang asembuba nung alisang, Praneeth-i Thailand nunger Kantaphon Wangcharoen madak 21-16, 21-17, agi tebur kija asaya nung takok ngua liasü.
Alima nung jenjang 24 buba nung alisang, Praneeth-i minute 50 tsüngda alima nung jenjang 102 nung alisang, Kantaphon madak takok ngua liasü.
Yaküm Indonesian Masters nung arishi küm 24, Praneeth-i Wangcharoen madak 18-21, 21-14, 21-15 agi takok anguba sülenbo tang ang tena tsüngda asayaogo.
Singapore Open champion, Wangcharoen-i yashi quarterfinals nung Malaysia nunger Iskandar Zulkarnain madak takok ngua liasü.