Saina Asian Badminton Championship 2 buba round-i iogo

Wuhan, April 27 : India’er tetsür badminton asayar mongin, Saina Nehwal aser PV Sindhu nati pei tetenzükba round asaya koka tang tasayadak Badminton Asia Championship tetsür singles 2 buba round asayatsü jenjang tanü, Bodbar nü ajangzükogo.
Tan asayamong nung 5 buba jenjang abenla, Saina-i tanü points 21-16, 21-17 ngua Indonesia tsür, Fitriani Fitriani 1 buba round nung tsükdaktsü aser Sindhu-ia points 21-10, 21-13 agi Indonesia tsürsa, Maria Febe Kusumastuti madak 1 buba round asaya akok.
Tetsür World No.8, Saina-i Indonesia tsür, Lindaweni Fanetri aser Thailand tsür, Nitchaon Jindapol na rong nung takok angur den taruba asaya asayatsü aser Sindhu-i Chinese Taipei tsür, Tai Tzu Ying den 2 buba round asayatsü lemzükogo.
Ajisüaka, India’er tetsür doubles asayar, Jwala Gutta o Ashwini Ponnappa na aser tebur doubles asayar, Manu Attri o B Sumeeth Reddy nati tanü tamakok ajurua tan asayamong nung joko shilem magitettsüsa jenjang tamajung ajuruogo.
Ano, Pranaav Jerry Chopra o Akshay Dewalkar nati tebur doubles asaya nung tamakok anguba den külemi, Kidambi Srikanth-ia par tetenzükba singles round asaya nung tsükba osang jangjaogo.
Asian Badminton Championship ya Rio Olympics nung shilem agitsü asoshi temeten angutsütsü asoshi asayaba tatembangba qualifying asayamong lir.