Saina Asian Badminton Championship quarterfinal-i iogo

Wuhan, April 28 (Agencies): India’er tetsür badminton asayar mongin, Saina Nehwal-i takok ngua tang tasayadak Asian Badminton Championship tetsür singles quarterfinal asayatsü jenjang tanü, Brehostibar nü ajangzükogo.
Tan asayamong nung 5 buba jenjang abenla, Saina-i tanü points 21-14, 21-18 ngua Thailand tsür, Nitchaon Jindapol 2 buba round nung tsükdaktsü.
Tetsür World No. 8, Saina-i tan asayamong nung 3 buba jenjang abener, China tsür, Shixian Wang den quarterfinal asayatsü lemzükogo.
Saina-i taoba mapang Shixian den 7 ben tashi ajurutepa asayadang 6 ben tashi takok ngua lir.
Ajisüaka, külem sensotsür, PV Sindhu-i tanü tamakok ngua tan asayamong nung joko shilem magitettsüsa jenjang tamajung ajuruogo.
Chinese Taipei tsür, Tai Tzu Ying-i tanü ghonda 1 shi nung points 13-21 22-20 21-8 ngua Sindhu tetsür singles 2 buba round nung tsüdaktsü.