Saina BWF Superseries Finals asayamong nung tsükogo

Dubai, December 11 (Agencies): India tsür, Saina Nehwal-i tatembangba tetsür round-robin asaya nung tamakok ajurua tang tasayadak BWF Superseries Finals asayamong nung joko shilem magitettsüsa jenjang tamajung tanü Hokolbar nü ajuruogo.
Defending champion, Chinese Taipei tsür, Tai Tzu Ying-i tanü points 21-16, 18-21, 14-21 ngua Saina madak takok angu.
Mezüngbuba asaya nung points 14-21, 6-21 ngua Japan tsür, Nozomi Okuhara madak takok mongutetaka, Saina-i temulungtetba tulu yur tetsür World No. 1, Spain tsür, Carolina Marin madak yashi takok ngua tan asayamong nung maneni toktepa shilem agitsü jenjang tajung angu.
Ajisüaka, lai tanü tamakok ajuruba yong lai tan asayamong nung joko shilem magitettsüsa kümogo.
Tebur singles asaya nunga India nunger Kidambi Srikanth-i tanü points 17-21, 13-21 ngua China nunger Chou Tien Chen nem kokdaktsüba yong paia tan asayamong nung joko shilem magitettsüsa jenjang tamajung ajurua liasü.