Saina-i Carolina tsükdaktsü

Dubai, December 10 (Agencies): India tsür, Saina Nehwal-i Spain tsür Carolina Marin madak takok ngua tang tasayadak BWF Super Series Finals tongti badminton asayamong nung maneni shilem agitsü jenjang tanü Brehostibar nü nguogo.
Saina-i tanü ghonda 1 ser minute 15 nung points 23-21 9-21 21-12 ngua World No. 1 Carolina akokba sülen defending champion, Taiwan tsür, Tai Tzu Ying den tatembangba league asaya asüng, Hokolbar nü asayatsü lemzükogo.
Ajisüaka, tebur singles shilem nung India nunger Kidambi Srikanth-i tanü points 13-21 18-21 ngua Denmark nunger Viktor Axelsen nem kokdakja liasü.
World No. 8, Srikanth-i Chinese Taipei nunger Chou Tien Chen den Group B round-robin asaya tatembangba asaytsü lemzüka lir.