Saina Indonesia Open quarterfinal-i iogo

Jakarta, June 02 (Agencies): India’er tetsür badminton asayar mongin, Saina Nehwal-i takok ngua tang tasayadak Indonesia Super Series Premier badminton asayamong tetsür singles quarterfinal asayatsü jenjang tanü, Brehostibar nü ajangzükogo.
2009, 2010 aser 2012 densema, taoba mapang takok marok 3 ben tashi agizükla, Saina-i tanü minute 32 nung points 21-11, 21-10 ngua World No. 53, Indonesia tsür, Fitriani Fitriani 2 buba round nung tsükdaktsü.
Tan asayamong nung 8 buba jenjang abenla, Saina-i Spain tsür, Carolina Marin den quarterfinal asayatsü lemzüktsü akok.
Ajisüaka, tetsür doubles asayar, Jwala Gutta o Ashwini Ponnappa aser tebur doubles asayar, Manu Attri o B Sumeeth Reddy nungeri tanü 2 buba round nung tamakok ajurua liasü.
China tsür, Huang Yaqiong o Tang Jinhua nati points 21-9 21-18 ngua Jwala o Ashwini na akok aser Korea nunger Ko Sung Hyun o Shin Baek Cheol nati points 21-18 21-13 ngua Manu o Sumeeth na tsükdaktsü.