Saina IOC’er Athletes’ Commission züngsem akümer

Hyderabad, October 18 (Agencies): International Olympic Committee (IOC)’er Athletes’ Commission (AC) nung züngsemtsü atema India’er tetsür badminton asayar, Saina Nehwal shimogo.
La AC nung züngsemtsü atema shimba osangji IOC Tir, Thomas Bach-i shiti ka ajanga Saina den tan Hombar aonung metetdakja liasü.
“IOC’er AC nung züngsemtsü asoshi nai Olympic Games Rio 2016 mapang benokba onük agizüka, na AC züngsem ka akümba osang pelashishia lemsateper,” ta Bach-i shiti ajanga metetdaktsü.
Mendenbula, Angela Ruggiero-i aniba AC tentet nung Tatong Tir 9 aser züngsem tanga 10 tashi lir aser par taruba senden taruba November ita 6 nü amentsü ayonga lir.
Saina temokok yiruba sülen lai taneptsü bushia ita ishika  anisüngsüka monger, tanaben asayatsü terenemshitsü agitsü tenzükba mapang ka nung lai nungtugu tentet nung züngsemtsü maongka ya angur lir.