Saina Macau Open 2 buba round-i iogo

Macau, November 30 (Agencies): India’er tetsür badminton asayar mongin, Saina Nehwal-i lar 1 buba round asaya koka, tang tasayadak Macau Open Grand Prix Gold badminton asayamong nung tanü, Bodbar nü shilem agiogo.
Tan asayamong nung temaba jenjang abenla, Saina-i tanü ghonda 1 shi nung points 21-23 21-14 21-18 ajangzüka, Indonesia tsür, Hanna Ramadini tsükdaktsü.
Tebur singles shilem nunga külem sensopur, B Sai Praneeth-i minute 40 nung points 21-12 21-15 ngua, China nunger Sun Feixiang 1 buba round nung tsükdakja, 2 buba round asayatsü temeten ngua liasü.
India nungersa, Parupalli Kashyap-ia takok ngua, tebur singles 2 buba round asayatsü jenjang anguba osang angazükogo.
Kashyap-i tanü minute 33 shi nung points 21-19 21-8 ajangzüka, Chinese Taipei nunger Chun-Wei Chen 1 buba round nung tsükdaktsü.
Ajisüaka, tawa Hong Kong Open asayamong takok marok agizüksang, Sameer Verma-i tamakok ajurua, tan asayamong nung joko toktepa shilem magitettsüsa jenjang tamajung tanü ajurua liasü.
Indonesia nunger Muhammad Bayu Pangisthu-i minute 35 nung points 21-18, 21-13 ngua, Verma madak takok angu.
Tebur doubles shilem nung India nunger Manu Attri o Sumeeth Reddy natia minute 40 nung points 21-11, 17-21, 21-9 ngua, Hong Kong nunger Chan Alan Yun Lung aser Li Kuen Hon na 1 buba round nung tsükdakja liasü.