Saina Nehwal aser Parupalli Kashyap na kibong akümtsü

Rongjui/September 26, 2018 (Agencies): India nunger nüngtugu badminton asayar Saina Nehwal aser Parupalli Kashyap na taküm tatemlen kibong akümtsü. Tena 2018 Luchii/Dec 16 nü kibong akümtsü, ta Times of India sangdong ka ajanga metetdaktsüogo.
Kibong akümba sentong nungbo nisung 100 shi dang jaoktsü saka Luchii/Dec 21 nü reception akatsü, kong nisung timba jaoktsü.
Saina aser Kashyap nati tena tesndaktep indang kodanga yimjak nung jembia mali aser olulu osang adokba mapang nunga tenapronglai aitsüogo. Ajisüaka osang ajanga ashiba agi tena küm 10 shi medema aruogo.
Badminton asayar kibong akümba rongnung Indonesia nunger Susy Susanti aser Alan Budikusuma, China nunger Lin Dan aser Xie Xingfang, Britishers Chris aser Gabby Adcock aser asür Syed Modi aser Ameeta Kulkarni nunger lir.
Saina Nehwal-i la indang career nung tang tashi nung tongtibang asayamung 20 koka lir aser iba nung Olympic bronze medal aser World Championships silver medal densema lir. Kasa mapang nung Kashyap-ia 2014 küm Glasgow Commonwealth Games nung gold medal kokteta lir.