Saina New Zealand Open mezüngbuba round nung tsük

Monupii/May 1, 2019 (Agencies): Bodhbarnü India tsürtem rongnungi badminton asayar Saina Nehwal, New Zealand Open mezüngbuba round nung world number 212 China tsür Wang Zhiyi-i tsükdaktsüogo.
Tetsür kija asaya nung arishi küm 29 tain Saina 16-21 23-21 4-21 agi arishi küm 19 tain Zhiyi-i tsükdakja liasü. Tena tsüngda ghonda ka-ser minute tenet asaya.
Tebur kija asaya nunga India nunger asayar Lakshya Sen, kanga meranga asayar Taiwan nunger asayar Wang Tzu Wei-i 21-15 18-21 10-21 agi kokogo.
Maneni tetsür tarep asaya nung Ashwini Ponnappa aser N Sikki Reddy na China tsür Liu Xuanxuan aser Xia Yuting nati 14-21 23-21 14-21 agi kokogo. Parnok tsüngda ghonda ka ser minute 10 asayaa liasü.
Ajisüaka India nunger asayartem tamakok anguba anogo ka nung tebur tarep asayar Manu Attri aser B Sumeeth Reddy nati 21-17 21-10 agi New Zealand nunger asayar Joshua Feng aser Jack Jiang na kokogo.
Saina aser Zhiyi na asaya mezüngbuba game Zhiyi 0-4 agi tejakdang ser tenzük aser Saina-i la den meneptepa masayateti 16-21 agi tamakok angu. Tanabuba game nunga Wang-i Saina kanga meranga asayadaktsür külenang 23-21 agi Saina-i asaya akok. Ajisüak tasembuab game-bo China tsürla yangi amokbanger asaya aser lai 4-21 agi asaya ayong ayonga akok.
Maneni Anura Prabhudesai-a world number 15 Li Xuerui-i 9-21 10-21 agi koka liasü.