Saina o Prannoy na Swiss Open semifinal-i iogo

Basel, March 19 (Agencies): India’er badminton asayar, Saina Nehwal aser külem sensopur, HS Prannoy nati pei asaya koka tang tasayadak Swiss Open Grand Prix Gold badminton asayamong tetsür aser tebur singles semifinal asayatsü jenjang ajangzükogo.
Taoba mapang champion akümtsü jenjang anaben tashi ajangzükla, Saina-i minute 52 nung points 13-21, 21-15, 21-14 ngua tan asayamong nung 7 buba jenjang abenla, Japan tsür, Sayaka Sato quarterfinal asaya nung tsükdaktsü.
Olympic bronze medallist, Saina-i tan asayamong nung 3 buba jenjang abener, China tsür, Wang Yihan den semifinal nung ajuruteptsü.
Tebur World No. 27, Prannoy-ia points 21-18 22-24 21-9 agi tan asayamong nung 16 buba jenjang abensang, Thailand nunger Tanongsak Saensomboonsuk tsükdaktsüba sülen Chinese Taipei nunger Tzu Wei Wang den semifinal asayatsü jenjang nguogo.
Ajisüaka, tetsür World No. 12, PV Sindhu-i tamakok ajurua tan asayamong nung joko shilem magitetsüsa jenjang tamajung ajuruogo.
China tsür, He Bingjiao-i minute 32 nung points 21-13 21-15 ngua Sindu quarterfinal asaya nung tsükdaktsü.