Saina o Srikanth na Australian Open quarterfinal asayatsü

Sydney, June 09 (Agencies): India’er tongti badminton asayar, Saina Nehwal aser Kidambi Srikanth nati pei asaya koka tang tasayadak Australian Open Super Series badminton asayamong quarterfinal asayatsü jenjang tanü, Brehostibar nü ajangzükogo.

Tan asayamong nung 7 buba jenjang abenla, Saina-i tanü points 21-12, 21-14 ngua Malaysia tsür, Jin Wei Goh madak takok ngua, tetsür singles quarterfinal asayatsü jenjang angu.

Tebur World No. 13, Srikanth-ia points 21-19, 21-12 agi Indonesia nunger Sony Dwi Kuncoro tsükdakja tebur singles quarterfinal-i ai.

Hyderabad tsürla, Saina-i points 21-7, 21-9 agi Hong Kong tsür, Yip Pui Yin madak 2 buba round asaya akokla, tetsür World No. 2,  Thailand tsür, Ratchanok Intanon den quarterfinal nung ajuruteptsü.

Srikanth-ia South Korea nunger  Kwang Hee Heo den quarterfinal asayatsü lemzükogo.

Ajisüaka, külem sensopur, Sameer Verma aser Tanvi Lad nati tanü tamakok ajuruba osang jangjaogo.

Indonesia nunger Anthony Sinisuka Ginting-i points 11-21, 21-7, 21-19 ngua Sameer tsükdaktsü aser China tsür, Wang Yihan-i points 21-18, 21-6 agi Tanvi madak takok angu.