Saina o Srikanth na Australian Open semi-i iogo

Sydney, June 10 (Agencies): India’er tetsür badminton asayar mongin, Saina Nehwal-i Thailand tsür, Ratchanok Inatanon madak takok ngua tang tasayadak Australian Open badminton asayamong tetsür singles semifinal asayatsü jenjang tanü, Hokolbar nü ajangzükogo.
Külem sensopur, Kidambi Srikanth-ia Korea nunger Kwang Hee Heo madak takok ngua tebur singles semifinal-i aiba osang jangjaogo.
Tan asayamong nung 7 buba jenjang abenla, Saina-i tanü minute 56 nung points 28-26, 21-16 ngua tan asayamong nung 2 buba jenjang abener, Ratchanok 3 buba asaya nung tsükdaktsü.
Tetsür World No. 8, Saina-i China tsür, Wang Yihan den semifinal asayatsü lemzüka lir.
Yihan-ia tanü points 21-19, 21-15 agi Chinese Taipei tsür, Tai Tzu Ying tsükdakja semifinal asayatsü jenjang angu.
Tebur World No. 13, Srikanth-ia tanü minute 36 nung points 21-18, 21-17 ngua Kwang 3 buba round nung tsükdakja liasü.
Srikanth-i Denmark nunger Hans-Kristian Vittinghus den semifinal asayatsü lemzükogo.