Saina semifinals-i iogo; Kidambi quarter nung tsük

Jakarta, Aenjeti/January 25 (Agencies): Indonesia Masters badminton asayamung Hokolbarnü tetsür kija quarter nung India tsür Sania-i ayonga takok ngua season semifinals anaben tashi atonga tongogo aser tebur kija quarter nung India nunger Kidambi Srikanth tsüka liasü.
Seed 8buba nung alila Saina, shiba taoba hopta Malaysia Masters asayamung semifinals tongteta liasü, lai Indonesia Masters asayamung quarter final nung Thailand tsür Pornpawee Chochuwong madak 21-7, 21-18 agi takok ngua tetsür kija semifinals asaya tongtetogo.
Commonwealth Games nung anaben tashi takok angula Sania-i China tsür He Bingjiao mesüra Chen Xiaoxin den semifinals asayatsü.
Kasa asayamung tebur kija quarter asaya nung India nunger Srikanth tsüka liasü. Iba asaya nung Asian Games nung takok angusang ya Indonesia nunger Jonatan Christie-i 18-21, 19-21 agi tsükdaktsü.