Sainik School nungi cadet ka NDA nung adentsü

Kohima, Yimpoksüi/November 29 (TYO): Sainik School Punglwa nükjidong ‘One Aim, One Goal NDA’ ataloka Cadet, Punyo Rika (Adm No 763)-i UPSC-i ketdangsüa agiba 141 NDA Course takok ngutetogo; pai All India NDA merit list indang final merit list nung jenjang 102 nguteta liasü, ta Col C Konwer, PRO (Defence)-i sangdong ka ajanga metetdaktsü.
Taküm April ita nungi pai National Defence Academy/Naval Academy UPSC written exam nung takok anguba sülen Karnataka, Bengaluru nung agiba SSB (Service Selection Board) and Medicals nunga takok angu.
NDA nung adentsüsa Sainik School Punglwa nungi maongka anguba tanabubaji pa asütsü, aser iba takok ajanga scool nem maneni konang bener arutsüogo.
Pai takok anguba atema school-i nüma atanger aser maneni tarutsü nunga cadet aikati pa ama takok angutsü imlar, ta sangdong nung shia lir.
Chairman, LBA aser züngsmetem, Gp Capt Sharad R Keskar, School Principal, Cadets aser staff temi pa nem tenüngsang tulu agutsür aser NDA, Pune nung training agitsü aliba asoshi tajungtiba bilemtsür, ta sangdong nung shia lir.
Sainik School Punglwa, Nagaland-isa Cdt Punyo Rika-i takok anguba atema par tsürabur Mr & Mrs Punyo Lasha nema tenüngsang agutsür, ta kasa osang ajanga metetdaktsü.