Sainik School Punglwa-i cancer awareness agi

Dimapur, Yimpoksüi/November 09 (TYO): Sainik School Punglwa-i anameket aliba yimtsüng Punglwa nung November 8 nü cancer awareness programme ka ayongzüka katsüogo; iba sentong ya nübur nem iba tashidak indang rajema lidaktsütsü aser cancer nungi jenbua alitsüsa libalirodaktsütsü asoshi ayongzüka agi, ta Col C Konwer PRO (Defence)-i sangdong ka nung metetdaktsü.
Iba campaign mapang nung cadet temi gari lenmang nung cancer awareness indang ozülu balala amer yimyim ayima yimdong süa jaja.
Kasa campaign ajanga nüburtem dang, iba tashidak ajanga tawa nisung aika asür, aser cancer tashidak indang rajema aliba ajanga iba tashidak nungi jenbua alitsü ta metetdaktsüogo, ta kasa sangdong nung shia lir.